The Face Shop ♥ منتجات ذا فيس شوب

السلام عليكم ورحمة الله و بركاته

أسعد الله أوقاتكم بكل خير :") .. 

هذي التدوينة السريعة راح تكون عن منتجات The Face Shop .

سمعت كثير عن هذا المحل و منتجاته و قررت اروح زيارة سريعة له ، المحل مرتب جدا و يفتح النفس :) المنتجات تغليفها و أشكالها تحمس للشراء ()() و الأسعار معقولة جداً ..

هذي صوره توضح اهتمام المحل بالتفاصيل المنتجات كانت داخل اكياس هالشي عجبني جدا ينضم الاشياء جوات الكيس الكبير () ^^ .

( معليش الفاتورة فقدتها لذلك كتبت الاسعار اللي متذكرتها و بعض الاشياء السعر تقريبا ) .

..

المنتج الأول عباره عن مقشر للوجه بالعسل يوضع على بشرة نظيفة تكوني لسا مغسلتها و يترك ٢٠ دقيقة أو لحد ما يجف ، يزال و بعدها يمسح الوجه بتونر ، سعره ما يتجاوز ٦٠ ريال اتوقع .

..

مجموعة ماسك شيت للوجه حبيتها لسبب واحد انها سريعة و تحارب العجز وسط الاسبوع اوقات الدوامات ، ساعات ما فينا نسوي ماسك طبيعي من ارهاق العمل اوا لدراسة لذلك هذا بديل جيد لوسط الاسبوع .

تنحط على بشرة نظيفة و تخليها من ١٠ دقائق الى ١٢ دقيقة و بعد ما تزيلي الماسك لا تغسلي وجهك خلي بشرتك تتشرب الباقي من نفسها ، جميع ماسكاتهم جميلة الصراحة و لاحظت فيها ترطيبها للبشرة ، و راح تحسي بعد ما تزيليها من وجهك بالبروده اللطيفة و ان بشرتك ناعمة جدا و فيها نظارة ، و بالنسبة لي حتى الان جربت نصها ما حسيت فرق كلهم اعطوني نتيجة وحده ،  و اسعارها من ١٢ ريال الى ٢٠ ريال و هذي صور المجموعة اللي اخذتها بشكل اوضح .

..

هذا الشي الموجود امامكم هو لإزالة الرؤوس السوداء ممكن اقول عنه اسوء شي جربته عندهم ما اعجبتني نتيجته ابدا و ما افكر ارجع اشتريه ، و السعر ما يتجاوز ٢٠ ريال .

..

تنت للشفايف اخذت اللون الاحمر جربته ع الشفايف و كمان كبلشر و النتيجة حلوه جدا شبيه لتنت بنفت بس طبعا هذا اوفر من ناحية السعر كان سعره شي و اربعين اتوقع .

..

كريم لليدين بالشيا بتر () ترطيبه يجيب العافيه لدرجة اني فضلته على كريم اليد تبع لوكسيتان اللي كنت اتوقع انه الافضل لكن بعد ما جربت هذا حسيته ممتاز جدا ، سعره بالستين اتوقع .

..

ماسك القدمين منتج لطيف بس مو واو ما تستنين منه هذيك النتيجة المبهرة ، يضاف على اقدام نظيفة و مغسولة و يترك ٢٠ دقيقة ، سعره بالعشرينات .

..

و هذي كانت قيفت من المحل ، انا رحت لفرع مارينا مول بالرياض ، البنات الموجودات بالمحل متعاونات و استمتعت وقتها بالتسوق بالمحل كانت المره الاولى وما راح تكون الاخيرة بإذن الله . :")

..

يارب تكون المنتجات اعجبتكم