Durance Candles ♥

السلام عليكم و رحمة الله و بركاته

يسعد لي صباحكم / مساكم جميعا :") ..

تدوينة اليوم راح تكون عن منتجات Durance الحقيقة هذي أول تجربة لي منهم و اختياري وقع على شموعهم من باب التغيير  عن باث & بودي وركس و لايف ستايل ، فقررت اجرب حاجة جديدة ..

نجي لأول حاجة ديوارنس هي شركة فرنسية ، و حسب فلسفتهم في توجه شركتهم هو ان منتجاتهم مستحضرة من كنوز الطبيعة  وهي اساس و روح هذي الشركة ، هالشي راح تحسينه بمجرد تدخلين المحل تنفتح نفسك من ريحة المحل و ترتيبه راح تحصلو فيه كريمات و عطور و شموع ، الروائح عندهم قوية جدا لدرجه لما كنت اجرب الروائح في المحل بديت ما اميز من قوة روائح العطور اللي جربتها و أشكال المنتجات < هالشي يهمني جدا ممكن يكون نوع من السطحية لكن انا دائما وقت ما اشتري الشي لازم يكون شكله ايضا جميل و يفتح النفس و هالشي حصلته موجود بهذا المحل اشكالهم لطيفة و مرتبه جدا ..

* اكيد لاحظتو من الصوره السابقة اهتمامهم بالتفاصيل طبعا الشموع تجي بدون اي بوكس ، لكن بالاخير موظف المحل جمعهم و حطهم ببوكس ، و ترتيبهم للشموع  بالشكل هذا مره اعجبني اقدر المحلات اللي تهتم بأمور بسيطة زي كذا () .

طبعا الشموع كان عليها عرض حلو buy 3 get one free و راح تحصلو مجموعة كبيييييرة جدا من الروائح متأكده راح تحتارو جدا . 

 في نقطة قالها لي الموظف في المحل ان الشمعة هذي تجلس معاك ٦ شهور السبب على حد قوله ان فتيل الشمعة مصمم بشكل لولبي داخل الشمعة فيعطيها عمر أطول ، لكن من باب تجربتها لعدة مرات ما اظن كلامه بيكون صحيح لان تقريبا خلصت ربعها من ٣ استخدامات تقريبا بوقت متقطع ..

 نبدا بصور الشموع اللي اشتريتهم :") .

The' Blanc White Tea

هي الشمعة اللي جربتها من المجموعة اللي اشتريتها "حاليا اكتب التدوينة على شرف رائحتها الجميلة" رائحة الشاي الابيض .. اذا انتم من محبين الروائح الهادية فاعتبرو انفسكم وصلتو للمكان الصحيح ، ريحتها هادية جدا و لطيفة ما تحسونها مزعجة .

bambou

ثاني رائحة كانت برائحة الخيزران ، رائحتها منعشة جدا ، " ممكن ما اعطيكم وصف دقيق لها و للشموع الباقيه لاني لسا ما ولعتها " .

mimosa

في حال كنتم من محبين روائح الزهور فراح تعجبكم ريحة هذي الشمعة بزهرة الميموزا . 

Rose

انا من الناس اللي احب روائح الورد جدا جدا غالبا اي شي يكون فيه ورد انا من عشاقه ريحة هذي الشمعة فواحة جدا وهي اول وحده شميت ريحتها في المحل فوقعت بحبها تماما () .

بكذا يكون خلص الريفيو عن هذي الشموع و راح تكون لي عودة لتجربة منتجات جديدة من عندهم .. بالنسبة للاسعار الشمعة الوحدة بـ ١٢٤ ريال  و اشتريت المنتجات من فرعهم بحياة مول .

كونو بالقرب () .