Dynamite Shrimp

السلام عليكم و رحمة الله و بركاته ..

صباحكم & مساكم .. كما تحبون و اكثر .. : )

مين منا ما يحب الشريمب و كمان لما يكون سبايسي ()()() ، اليوم التدوينة راح تكون طريقة عمل Dynamite Shrimp الشهير اللي الكل يحبه :") طريقته سهله جدا و الاهم لذيذه وما تاخذ وقت في التحضير ابدا ..

عملت ستوب موشن صغنن للطريقة ..

* الاصوات في المقطع اصوات بشرية .

نجي للمقادير :

• ٨٠٠ قرام شريمب (استخدمت الكبير كيستين تقريبا كل وحدة ٤٠٠ قرام) .
• كوب دقيق ابيض .
• بيضتين .
• نص كوب مايونيز .
• ٤ ملاعق كبيرة اي شطة حارة ( هنا لك مطلق الحرية بكمية الفلفل ) .
• ٦ ملاعق كبيرة شطة حلوة .

الطريقة : 

• نغسل الشريمب و نخليه بصفاية لحد ما تنزل المويه منه .
• بعدها نكون حضرنا صحنين واحد للدقيق و الاخر للبيض و نبدا ناخذ الشريمب و نضيفه للبيض و بعدها للدقيق .
• بعد ما ننتهي من عملية تغليف الشريمب بالبيض و الدقيق نقليهم لحد ما يكون لونها اشقر .
• نجهز الصوص اللي هو عبارة عن المايونيز و الشطة العادية و الحلوة (كمية الفلفل ممكن تتحكمو فيها زي ما تفضلو مو شرط تتقيدو بالكمية اللي فوق) .
• نخلط الشريمب مع الصوص و بكذا يكون جاهز للتقديم :") .

والف صحة و هنا ..