تجربة شراء Philips SC2009/00 Lumea

السلام عليكم ورحمة الله وبركاته ..

صباحكم ومسائكم سعيد :") .. رمضان مبارك علينا وعليكم يارب () 

انقطاع طويل وبإذن الله ما راح يتكرر :$ ، تدوينة اليوم راح تكون عن تجربة شراء جهاز الليزر المنزلي Philips SC2009/00 Lumea من الموقع الالماني computeruniverse.net .. 

كانت تجربة موفقة من حيث الدفع عن طريق الباي بال وهذي الطريقة اللي افضلها دايما للدفع وايضا النقطة الثانية وجود شحن مباشر وهالشي يشجعني اطلب من اي موقع يوفر هالخدمة اكثر من فقرة بريد التوجيه ، شجعني الشراء من الموقع هذا بسبب فرق سعر الجهاز فيه عن الموجود عندنا بالصيدليات و محلات الاجهزة الالكترونية .. 

في البداية بتكلم عن الموقع computeruniverse.net هو موقع الماني وفيه انواع الاجهزة اللالكترونية بمختلف اشكالها و مهامها ، في موضوع قرأته ببوابة الانترنت الرقمية ان مجموعة تضرروا منه لكن حمدلله كانت تجربتي ناجحة وما صادفت اي مشاكل و اللي مخليني اقدم ع التجربة منه ان الدفع باي بال فلو حصل اي مشكلة اقدر استرجع المبلغ ان شاء الله .. لكن توفيق من الله كانت تجربة موفقة .. 

النقطة الأولى راح اوضح فيها الاسعار طبعا طلبت جهازين واحد لي والثاني كان لقريبتي وكنت وقتها شاكة انها ممكن تتجمرك لكنها مضت الشحنة بسلام و ما تجمركت .. طبعا التكلفة الاجمالية للجهازين ٣٢٥٢ و تكلفة الجهاز الواحد ١٦٢٦ تقريبا ، طبعا هذا الكلام شهر ٤ ميلادي فما ادري هل اختلف سعر الصرف الان او لا .. السعر جدا منافس وما راح نحصله هنا اقل جهاز حصلته كان فوق ٢٢٥٠ وهالسعر ما كان في المحلات كان عن طريق متجر في الانستقرام  .. 

المكتوب في الموقع ان الشحن عن طريق DHL لكنها وصلتني عن طريق البريد السعودي وصلت الشحنة وكان على الكرتون كدمات وهالشي امر سلبي كويس ما تضررت الاجهزة تغليفهم ما كان بالمستوى المطلوب وراح تشوفون هالشي بالصور .. راح تلاحظو بأول صوره الكدمات فوق ع اليمين والكرتون مشقوق .. 

.. .. .. 

الجهاز اللي طلبته كان معاه عدة ملحقات ٣ رؤوس ( ١ للجسم ، ١ للوجه ، ١ للمنطقة الحساسة والاندر ارمز ) كتجربة ما اقدر احكم عليه بحكم اني قطعت شوط كبير بعيادات الليزر فوصلت المرحلة اللي ما احتاج فيها عياده مجرد شعرات متفاوتة بالجسم فكان الحل الامثل اني اشتري هذا الجهاز وابدا الجهاز مو مؤلم اعلى درجة ما توصل لألم العيادات قابل للتحمل طبعا يتم شحنه قبل استخدامه ويعمل الجهاز وهو غير موصول بسلك الكهرب الخاص فيه ، في اصدار ثاني ممكن يشتغل وهو موصول بالكهرب لكن فضلت هذا من ناحية بيكون اسهل بالاستخدام بدون حوسة السلك  .. 

و بكذا تكون تدوينة اليوم انتهت .. اتمنى تكون مفيدة لكم :)